Incwadi yeqoqo lezinkondlo ethi Zidedele Zibulalane iwumnikelo wezinkondlo zezimbongi ezinamagalelo emibhalweni yesiZulu. Ukucija nokugweba kwazo ngezimpondo zombili kucacile kuzo zonke izinkondlo ezibhalwe ngobuchule nangolimi olublabahlosie oluqukethe ubumbongi obungangatshazwa. Kuzona kukhona izimbongi zesilisa nezesifazane eziveza ukuhlwabusa kwemiqondo yazo nokujula ekubukeni kwazo ngehlo elijulile iziga nezinselelo zempilo ezibhekene nesizwe kanye nezwekazi lonke lase-Afrika kanye nomhlaba wonkana. Izimbongi zithinte izindikimba eziningi ezihlukahlukene okwenza incwadi yonke inone.

Zifundele uzizwele ubungcweti nokusuleka kolimi Iwaleyo naleyo mbongi enikele ngokuvuthwa komqondo wayo enkundleni yokujikijelana kwezimvava bese uzisholo nawe uthi, Zidedele Zibulalane!